nazkonyr

Әлемде әрбір екінші әйел мұртты болады екен. Әрине әр түрлі деңгейде. Сары түсті және сирек болса, анша көрінбейді, ал қара немесе қалың болса бәленің бәлесі. Бұл мұрттан жігіттер сияқты оңай құтыламын деп ойламаңыз. Яғни қыруға болмайды сонымен қатар  қасты жұлған секілді суырып та тастай алмайсың, түктердің қатайып кету ықтималдығы жоғары. Ал аяғыңыздың түгіне пайдаланатын дәрі-дәрмек не крем  мұнда керісінше әсер етуі әбден мүмкін.

Кейбір мамандар бұл тұқым қуалайды деген пікірде. Әжеңізде, не анаңызда болса, сізде мұрттың болуы заңдылық. Бірақ америкалық зерттеушілер мұнымен келіспейді. Олар ішкі гормоналдық жүйенің бұзылуынан дейді. Яғни  ағзадағы ер адам гормонының артуынан деген  сөз.                                                                                                                                                  Мен әдеби шығармаларда мұртты қызды әспеттеп суреттеген «Война и мирден» басқаны есіме түсіре алмадым.  Негізі бұл сұлулыққа жатпайтын да шығар. Сығандар үшін мұрт өсіру қалыпты жағдай екенін білем. Тіпті сән үшін өсіретіндер де бар дейді. Десек те әр жаратылыс өз ерекшелігін сақтағанға не жетсін.

Бүгінде ұялы телефонның зияны аз айтылып жүрген жоқ. Бірақ біле тұра, кейбір ережелерді сақтамайтынымыз бар. Жақында бір дәрігермен сұхбаттас болған едім, CDMA желісінің тұрақты тұтынушысы болған 20 жасар қыздың құлағы саңырау болып қалғанын айтып отыр және соңғы кезде құлақ ауруына шалдыққандардың басым көпшілігінің себебі де осы қалта телефонын көп қолданғаннан болып отыр дейді. Дәрігердің айтуынша қыз сағаттап сөйлескен көрінеді. Иә, мен келісем электромагниттік толқындар қысқатолқынды пештен де, телевизордан да, компьютер және т.б. біздің күнделікті тұрмыста қолданып жүрген заттардан да бөлінеді. Бірақ телевизорды қалтамызда, компьютерді белімізге тағып алып жүрген жоқпыз ғой. Ең жиі және ең жақын жерде ұстайтынымыз осы телефон. Түнде басымызға жастанып жатамыз, күндіз қолымыздан бір елі тастамаймыз. Одан қалса, қазір бала-шағаға ойыншық боп та жүр. Әлем ғалымдарының соңғы зерттеулері бойынша 

мынандай ауруларға душар етуі мүмкін:

• Ми рагі

  

• Депрессия
• Лейкемия
• Жүрек ауруы
• Альцгеймер ауруы
• Түсік тастау
• Сүт бездерінің рагі
• Аутизм
• Бас ауруы
• Жүйке жүйесінің бұзылуы
• Ұйқының бұзылуы
• Қан қысымының көтерілуі және т.б.
• Әрине қалта телефонсыз бүгінгі өмірімізді елестету қиын. Бірақ төмендегідей ережелерді сақтаған жөн шығар:
  • Қоңырауға 3-4 секундсіз жауап бермеу
  • Құлақтың түбінде ұстап телефонды (сөйлесіп болған соң) сөндірмеу
  • Найзағай ұру қаупі жоғары болғандықтан мүмкін болса, жаңбырлы күндері қоспау
  • Мүмкіндігінше құлаққап арқылы сөйлеспеу
  • Максимум 10 минут қана сөйлесу
  • Ұйықтаған кезде 1,5-2 м алшаққа қою
  • Киімнің қалтасынан (денеңізден) бөлек мәселен сөмкеде ұстау немесе жан қалтаңыздан тастамайтын болсаңыз, қорғаныс қабына салып жүру

  Сақтансаң сақтаймын деген емес пе, қауіптің алдын алайық, ауырмайық.